पश्चिम रेल्वेच्या अमळनेर स्थानकावर रेल्वे रुळावरून घसरल्यानंतर मध्य रेल्वेकडून तातडीचीे मदत

जळगाव खान्देश : मध्य रेल्वेने पश्चिम रेल्वेच्या अमळनेर स्थानकावर रेल्वे रुळावरून घसरल्यानंतर जलद गतीने दुरुस्ती करण्यासाठी तातडीने मदत केली.

पश्चिम रेल्वेच्या मुंबई सेंट्रल (बीसीटी) विभागाअंतर्गत नंदुरबार-सुरत विभागातील अमळनेर स्थानकावर दिनांक १५.०५.२०२५ रोजी दुपारी २:३६ वाजता मालगाडी क्रमांक एनजीएनसी रुळावरून घसरली. मध्य रेल्वेने अपघाताची माहिती मिळताच, रेल्वे सेवा जलद गतीने पूर्ववत करण्यासाठी तातडीने मदत केली.

मध्य रेल्वेच्या भुसावळ विभागाने तातडीने अपघात निवारण ट्रेन (एआरटी) तैनात केली, जी १५:०६ वाजता घटनास्थळी रवाना झाली. एआरटी टीमसोबत वरिष्ठ विभागीय विद्युत अभियंता (टीआरएस) भुसावळ, विभागीय विद्युत अभियंता (टीआरओ) भुसावळ, सहाय्यक विभागीय यांत्रिक अभियंता (टीआरएस) भुसावळ आणि सहाय्यक विद्युत अभियंता (टीआरएस) भुसावळ यांच्यासह प्रमुख तांत्रिक अधिकारी आणि पर्यवेक्षक आणि कर्मचाऱ्यांची एक टीम होती.

दुरुस्तीच्या कामात मदत करण्यासाठी एआरटी टीम व्यतिरिक्त, टीआरएस (ट्रॅक्शन रोलिंग स्टॉक) विभागाकडून एक विशेष ब्रेकडाउन टीम देखील पाठवण्यात आली. भुसावळ विभागातील अपर विभागीय रेल्वे व्यवस्थापक (तांत्रिक) आणि वरिष्ठ विभागीय यांत्रिक अभियंता यांच्यासह वरिष्ठ अधिकाऱ्यांनाही प्रयत्नांचे समन्वय साधण्यासाठी आणि प्रगतीवर लक्ष ठेवण्यासाठी घटनास्थळी पाठविण्यात आले.